काठमाडौ, ३० चैत्र । नागरिक उन्मुक्ति पार्टी (नाउपा) अध्यक्ष रञ्जिता श्रेष्ठले सुदूरपश्चिम प्रदेशका सांसद तथा मन्त्री घनश्याम चौधरीलाई तीन महिना निलम्बन गरेकी छिन् । नागरिक उन्मुक्ति पार्टी (नाउपा) ले संसदीय दलको नेता घनश्याम चौधरीलाई तीन महिनाको लागि निलम्बन गरेको छ ।
नाउपाकी अध्यक्ष रन्जिता श्रेष्ठ चौधरीले चौधरीलाई तीन महिनाको लागि निलम्बन गरिएको पत्र सभामुख भीम भण्डारीलाई पठाएकी छन् । पार्टीको चैत १४, १५ र २५ गतेको बैठकमा उपस्थित नभएको भन्दै संस्थापक अध्यक्ष श्रेष्ठले चौधरीलाई शुक्रबार निलम्बन गरेकी हुन् ।
‘घनश्याम चौधरीलाई पार्टीले अति महत्वपूर्ण र गम्भीर विषयमा छलफल गरी निणर्य गर्नुपर्ने भनी पटक-पटक बोलाइएकोमा पार्टीलाई नै निराश गर्ने गरी बैठकमा उपस्थित नभएको र निजले अध्यक्ष रञ्जिता श्रेष्ठलाई सम्बोधन गरी पठाइएको स्पष्टीकरण पत्र चितबुझ्दो नभएकाले, नागरिक उन्मुक्ति पार्टीको अन्तरिम विधान २०७८ धारा १७ (क) को २, ४ र ५ बमोजिम कार्यगरेकोले पार्टीको केन्द्रीय कमिटिको मिति चैत ३० गतेको निणर्य बमोजिम निजलाई तीन महिनाको लागि निलम्बन गरिएको व्यहोरा जानकारी गराउँदछु,’ सूचनामा भनिएको छ । यसअघि संस्थापक अध्यक्ष श्रेष्ठले सांसद चौधरीलाई संसदीय दलको नेताबाट पनि हटाइएकी थिइन् । नाउपाको सुदूरपश्चिम संसदीय दलमा श्रेष्ठनिकट कैलाश चौधरी नेता चयन भइसकेका छन् ।
यसैबीच सत्ता गठबन्धनले नाउपालाई सुदूरपश्चिमको मुख्यमन्त्री दिने समझदारी गरेको छ । तर अध्यक्ष श्रेष्ठ र संरक्षक रेशम चौधरीमा बाँडिएको नाउपाभित्र रडाको मच्चिएको छ । यसअघि अध्यक्ष चौधरीले सांसद इन्दिरा गिरीलाई कारबाही गरेकी थिइन् । सुदूरपश्चिमा नाउपाका अब ६ जना सांसद छन् । यद्यपि बहुमत सांसद भने संरक्षक चौधरीतिर छन् । चौधरीको पक्षमा चार जना सांसद खुलेका छन् ।

प्रतिक्रिया दिनुहोस्

यो खबर पढेर तपाईलाई कस्तो महसुस भयो ?

सम्बन्धित समाचार शीर्षकहर थप

 रेमिट्यान्स भित्र्याउने मुलुकमध्ये विश्वकै सबैभन्दा उच्च स्थानमा नेपाल 

बाढीपहिरो,डुबान अपडेटः हालसम्म २३३ जनाको मृत्यु, २२ बेपत्ता

बडादसैँ आजदेखि सुरुः आज घटस्थापना, घरघरमा जमरा राखिदै

 देशभर मनसुनी वायुको प्रभावः कोशी र बागमतीमा मुसलधारे वर्षा

राहत उपलब्ध गराउन प्रभावित क्षेत्रमा खटियो गृहको कार्यदल

आजदेखि भारी वर्षाको सम्भावना भएकाले यात्रामा सावधानी अपनाउनुस् : प्राधिकरण